更新時間：19:57 2025-02-11
發佈時間：19:57 2025-02-11
發佈時間：19:57 2025-02-11
謝霆鋒相隔25年、將於今年4月在啟德主場館舉行2場《Evolution Nic Live謝霆鋒進化演唱會》，沒想到開個唱的消息一出，信用卡優先訂購門票被秒殺，因全城瘋搶，近日疑似有「黃牛」於網上放飛，門票竟被炒至逾17萬一張，認真誇張！身為謝霆鋒老闆的英皇集團主席楊受成稱，連霆鋒阿媽拉姑狄波拉都嗌晒救命話冇飛，英皇娛樂集團營運總裁霍汶希（Mani）則呼籲大家要理性，千萬不要幫襯黃牛！
亞洲首登上啟德主場館歌手
謝霆鋒是亞洲首位登上啟德主場館開個唱的歌手，有指他開個唱的消息一出，全城即現撲飛熱，先是上月的信用卡優先訂購，門票一開售即被秒殺，一票難求。由於全城瘋搶，近日疑似有「黃牛」於網上放飛，門票竟被炒至17萬幾一張，認真誇張！
楊受成稱要飛可先登記
雖然是謝霆鋒開個唱，就連阿媽拉姑都大呻冇飛；身為謝霆鋒的老闆楊受成博士透露：「拉姑都嗌晒救命呀！」問到楊博士現在是否唔夠膽聽電話、驚人打去求飛時，他直言：「聽（電話）！點會唔聽！我話你哋登記先，到時如果有（飛）我就畀你。」
霍汶希話唔好幫襯黃牛
再問楊博士霆鋒個唱會否加場時，他即發揮幽默本色說：「你知佢（謝霆鋒）好有性格㗎，冇人可以叫到佢㗎，其實佢𠵱家都諗緊。」對於門票被炒高至6位數字，霍汶希日前跟楊博士、久未露面的四哥謝賢、謝霆鋒和拉姑團拜時，Mani就勸大家要理性購票，並說：「大家咁支持霆鋒當然開心，但希望大家理性啲，唔好咁炒貴啲飛，同埋唔好幫襯黃牛。」
延伸內容：功夫Madam機關槍 謝霆鋒 林嘉欣
延伸內容：謝婷婷湊女搭私人飛機 神秘老外享用美食 謝霆鋒父子同行近況曝光
最Hit
