好一個張致恒，真係要拎佢支洗頭水聞一聞，到底有甚麼成份，可以令佢長期咁頭痕，總是鬧出連串負面新聞，令人想將他打暈，好好修理教訓。
你今年已是40歲人，不能再像三字頭般失魂，吊兒郎當任我行。也無謂記取17歲已失身，試過一腳踏5船出軌疑雲，從此患了性上癮。
時光不會等人，再不業精於勤，用血汗一展所能，你憑甚麽去平步青雲，脫穎於人群？
睇你生得肥騰騰，想必鍾情牀上運動激情擁吻，日砌夜砌老婆雯雯，沉溺巫山雨雲，試問又怎會夠瞓？返工仲點會夠精神？
作為男人，當然知道鹹濕好難忍，但點解仲要打真軍，令老婆年年懷孕，四年抱四咁「歡欣」？你呢個「發瘟」，貪圖高潮興奮，避孕套只係幾十蚊，我就唔信你咁手緊，買唔起就咪身痕！
你已經家貧，捉襟見肘係咁呻，時不時嗌離婚，牀頭相分，牀尾又激吻，如此蕩女痴男睇見都頭暈。
你死性不改已不是新聞，總以為成為四子的父親，縱是百上加斤，你或會生性做人，努力發憤，正正經經返工𢱑銀，為小朋友掙多幾罐奶粉。
可惜性商店只係做得嗰一陣，派傳單散工又嫌得幾百蚊，你索性攤大手板伸一伸，向身邊所有朋友都借勻，覺得「欠債不還」好應份。
史提芬啊史提芬，你蛀牙去求助網民，你爛鞋底也求贊助分文，你自爆性愛秘聞，又可以搵到幾多銀？天下間仲有幾多個蠢人，仍然會被你昆？
可能只剩下一個雯雯。
於是你夠膽死唔打工只等運，公開問網民，可否貨金，資助你一家人，仲登埋QR code𢱑得一蚊得一蚊。
各位市民，別被騙徒搵笨，不能姑息懶人，不可縱容廢人，等他洗心革面重新做人，堂堂正正為了家人，做個負責任的男人！一個人，只要肯努力前行，天必憐憫！
最Hit
