劉鑾雄歷年來開過不少記者招待會，每次都有啜核金句連連，但他就視這些「創作力量」濕濕碎：「呢啲嘢，我真係隨口噏。當你記憶力好，睇得多書、報紙，同文化修養夠，識得運用，就可以變到我𠵱家隨口噏都千變萬化，星仔（周星馳）都成日叫我同佢度劇本，佢齣《西遊記》裏面好多對白，都係我哋一齊度㗎。」事不宜遲，即刻學嘢！

傳我就嚟死？我俾人激死就有！

佢全家都係納米型賊仔，咁X賤、咁X壞嘅人，都未見過。

我谷氣咗好耐，話我塞春卷呀、乒乓波、網球呀…… 造謠造非，遲啲唔係話我塞人呀，係話我鍾意俾人塞添，乜都得㗎 ！

我明明𠵱家係縮水豬腸，我夠可以話自己係大X袋，喺網上搵打手吹下，畀錢就得啦！

佢一支牙膏、一張單都claim3次，呢句說話我作嘅話，我絕子絕孫，7個仔女養唔大呀！

現在就算有100個靚女在我面前，我都無動於衷。

千祈唔好以為我畀個手袋，就可以大家出嚟執返劑喎，執返劑涼茶就可能有。

我寧願送咗（身家）出去畀錯人，都唔想畀一啲天下間極壞極壞極壞嘅恐怖分子。

佢面皮厚過恐龍皮，係百分百蠢人，為咗一蚊都會出賣我。

男人同女人，有啲人去執人一劑，可能益個女人，有啲人畀人執一劑係益自己，係相對嘅。

我諗我𠵱家肯去執呀，排隊排到黑龍江呀，講笑啫！

有人當正自己係華倫天奴……個細佬——華倫地牢。

做娛樂圈，我睇太多，擘大眼講大話太多，Almost 個個都係！

發霉大佬、業餘龜婆、姿整佬，不過係爛頭卒，我連佢幕後老細「殯儀之星」都未驚過，唔通驚佢有牙？

話我摑人兩巴，人哋喊呀，即刻攞張支票掟埋塊面度，我隨身都唔袋支票嘅。

（呂麗君係唔係一個有機心嘅人？）我諗你喺呢方面形容得太膚淺。即係嗰啲係ET外星人，絕咗緣，即係個心冇心跳嘅。好似我睇過《畫皮》，聊齋故事咁，冇心跳㗎嘛，唔係人㗎嘛。

傳話我點解跟陳凱韻結婚，因為佢媽咪畀個腎我，要報恩，我換腎都揀個後生啲，唔會搵個60幾歲老腎啦。

我從來唔會睇唔起男人做黑社會，女人做雞。因為環境窮先做黑社會、做雞！

蕭若元話我動作快如閃電，佢唔夠貼切，我係比光速快幾百倍！

我今日慶幸都搵到稀粥食，我唔希望我做任何嘢，會影響我第二代、第三代生仔冇屎忽。

是非只有時勢，公道不在人心。

人性係貪嘅，包括我在內，但我寧願循序漸進，好過一鋪清袋。

我想大部份的香港人，都低估了我的智慧。

有啲情歌，我都好鍾意聽，例如《一生中最愛》：「寧願一生都不說話，都不想講假說話欺騙你。」我起碼嘥左十幾廿年冇去專心事業，嘥埋時間係啲無謂女人身上，後悔已經太遲，睇返轉頭真係鏡花水月。

幾年前發生過一件事，牽涉到錢，因為錢，露出佢嘅九尾狐。

我可以大膽講，娛樂圈邊個真係人，邊個係鬼，鬼同魔就多！神就冇啦，除咗歌神陳奕迅。

好SAD，有啲人天生性格到死嗰日都唔會改，唯有黯然接受。