臨別伊伊，望多幾眼工作多年的崗位，少不免感觸，總想再坐一會，然後才帶走幾片雲彩，留待日後好好懷緬。
你會向公司同事，逐一派散水餅，讓他們記住，曾共度患難日子總有樂趣？
你也許會跟每一個人輪流合照，輕輕擁抱，不捨地說：「記住得閒搵我飲茶喎！」
如果你是電視台新聞部女主播，可會像有線電視的梁思齊和余茵娜，在離開主播台崗位的last day，與另外三位靚女主播，齊在曾留下不少時光的新聞部錄影廠，一
起大跳BLACKPINK成員Jisoo的「開花舞」，將開心感覺定格，以作留念？
歌仔都有得唱：「年輕得碰着誰，亦能像威化般乾脆，快活到半日也像活盡一百萬歲。」年輕女主播不是在報道新聞時袒胸露肉，也沒有大騷三點式（其實去游水穿三點式，也不是死罪啊），卻因為跳一part舞，觸怒龍顏，激發新舊兩代的矛盾衝擊。
「新聞教父」黃應士大駡是「有辱新聞行業」，電視台高層則指新聞部錄影廠不是「嬉笑玩樂的舞台」。
立法會議員江玉歡卻選擇包容和理解年輕人的心態：「跳得咁齊咁好，真係唔簡單。如果香港係咁多規條，呢樣唔做得，嗰樣唔做得，搵邊個來香港吖？」
歐陽偉豪（Ben sir）都話：「咪一個普通嘅錄影廠，加個新聞布景之嘛，有幾神聖啫……啲主播就係對個印有公司名嘅布景倍感自豪，先喺前面跳舞，你班廢老就感到自卑，唔識跳舞……」
有人傳統保守，有人前衛突破，兩邊廂的觀點，都各有支持者。
我等市井，只知道女主播，都是人靚聲甜，伶牙俐齒，將殺人放火死人冧樓的新聞，專業地報道出來。
然後女主播的神秘面紗，又會在個人社交平台揭開，一時戴米奇老鼠頭飾嘟嘴賣萌，一時在櫻花樹下展笑留倩影，在在告訴我們，女主播都能親切如鄰家女孩，不會像鏡頭前冷若冰霜。
那條女主播跳開花舞的片段，五張笑靨，流露青春活力，示範著「開心就係咁簡單」的人生哲學。如果有甚麼煩惱，只消看到她們跳舞，便能一掃而空。
過去幾個星期，已經有不少人自尋短見，放棄寶貴生命，如果人人的心中都能開花，都能笑吓，你說多好！
