更新時間：16:25 2024-08-21
發佈時間：16:25 2024-08-21
發佈時間：16:25 2024-08-21
近日天氣持續濕熱，出街化全妝想質感輕盈又持久，一整天都無懼氧化暗啞，返到屋企都仍能保持膚色均勻，蔡頌思（Jocelyn）和唐貝詩（Lydia）都有各自的化妝心得，即刻與大家分享一下。
相關文章：中價粉底液大比併 蔡頌思 唐貝詩：平嘢效果最好
蔡頌思 化臥蠶冇難度
蔡頌思成全妝覺得最重要是眼妝，她笑言：「喺我嘅化妝品中一定會有眼影，化咗可以令眼窩深一啲，另外三色眉粉有唔同深淺度都好好用，除咗加深眉色，可以打輪廓、畫鼻影，有時會做埋眼影；而大地色好易襯衫，夠晒百搭。而遮眼袋亦要溝色，我會先用橙色嘅遮瑕膏打底，再用近膚色嘅遮瑕膏均勻咁溝番埋就會好自然。」
她還有可以將對眼化大的妙法，她續說：「首先要畫臥蠶，先用大地色眉粉喺臥蠶畫條隱隱約約嘅線，再用掃或海綿推開佢，然後再用眉粉喺眼皮位置延伸我嘅眼線，最後喺臥蠶中心位加閃粉，成隻眼就會好Blink Blink喇！」
唐貝詩 吸油紙防卡粉
唐貝詩通常會將化妝袋放在車中，每朝她由港島區往尖沙咀返工，30分鐘車程已可以化個全妝，十分快手。
「首先我會搽粉底，而Covermark嘅粉餅遮瑕度高，可以搽晒全塊面，連遮瑕膏都唔使用。跟住搽眼眉毛、眼影、眼線，因為我植咗眼捷毛，所以唔使搽捷毛液，但下面捷毛會搽；仲有胭脂同陰影，陰影都好緊要，喺眼後近耳位置搽，塊面會瘦啲，打埋鼻影個鼻可以尖啲，最後搽埋唇膏。」
「而我嘅化妝心得係，因為我係油性皮膚需要補粉，但如果就咁補乾粉會卡粉，所以我會先用有啲粉喺上面嘅吸油紙印一印，再補乾粉，咁就會好Fresh喇。」
最Hit
