發佈時間：18:29 2023-12-08
陳君宜（Qinnie）日前與好友羅霖（Candy）為其自家護膚品牌拍廣告，皆因Qinnie重金禮聘Candy做代言人，並於下周二推出全新護膚系列Le D'Or x Candy Luxe。為了拍攝當日以最Fit狀態示人，Qinnie除了做運動、做機和食素外，更經朋友介紹看韓國中醫，結果四管齊下於大約1個半月減掉近20磅，她笑言生完仔後一直減唔到，現在終於成功修身，好開心呀！
熟落冇尷尬
Qinnie稱Candy是其品牌的支持者，由於新系列很適合她們的年紀，便索性合作。今次是她們第二次合作，第一次已是十年前，不同的是今次是Qinnie自家品牌。為了展現女性美和貼心感覺，她們拍攝時頭貼頭、面貼面，非常Close，Qinnie也笑言：「真係貼到連眼睫毛都掂到大家，哈哈！」幸好二人熟落冇尷尬。
皈依轉食素
Qinnie為了以最Fit狀態示人，除了每天會拉筋、行山或踩單車外，又會用「168間歇性斷食法」減磅，早前更因皈依了而減少食肉，打算慢慢轉食素，她解釋：「食素唔單止有助排毒，仲可以快速去水腫，令皮膚更有光澤。」加上她經朋友介紹認識一位韓國的中醫，她坦言：「其實個朋友係我個仔同學嘅媽咪，佢身形又係好高大，又係生完仔一直減唔到，但有次見佢變到好瘦，佢話變番生BB之前咁瘦，就係睇咗呢個韓國中醫兩、三個月，由於價錢唔貴，我就梗係試啦！」
隔空睇中醫
由於該中醫不懂中、英文，所以Qinnie搵識韓文的朋友翻譯，透過ig溝通，Qinnie續說：「佢只係睇咗我前後嘅相，問埋我嘅生活習慣，都問得好仔細，開唔開心都問，之後就開咗一個月嘅中藥畀我，佢煲完Pack好晒一包包寄嚟香港，每日分早午晚飯前飲，味道都係甘甘哋帶少少苦，但飲完唔會覺得肚餓。」Qinnie話肚腩和手臂仲要靠埋做機，大約1個半月減咗差唔多20磅，她興奮表示：「我個仔都9歲喇，一直都減唔到，到𠵱家減完So Far都冇反彈，只要Keep住就ok喇。」
