發佈時間：17:58 2023-09-18
因有自信所以美麗，使我自卑都放低。現年40歲、2002年參選港姐的藝人關伊彤，一星期前鼓起勇氣，一圓逾20年日思夜想的心願，就是把平平無奇、只有32AA的「平版」身材，變為32C激凸胸器，2D變3D立體，難怪自信返晒嚟，長年做「長平公主」的她振臂高呼：「終於做到有波妹！」
關伊彤接受《東周Ladies》訪問，說上星期接受豐胸填充療程，在專業顧問及醫生監督下接受豐胸針注射，她說：「係歐盟認可、可以注入胸部嘅透明質酸，好處係本身人體有透明質酸，就算流失對身體冇大影響，另一好處係可以照正常餵人奶或照X光。當日打咗總共200cc，只係做咗一個鐘就搞掂，即刻見到效果。」
由以前一手未能掌握，直到現在甚有手感，關伊彤以超級興奮來形容：「一打完，啲姑娘見到都嘩一聲！話效果好靚好自然。我影咗只係用手遮點嘅相，分享畀啲閨蜜睇，我老公依家喺巴西，佢睇到啲相都讚我好hot好sexy！」
以前係陰影罅
「以前我着衫一定要墊厚pad，依家完全唔使，日前去睇演唱會，我都冇戴bra，只係着有墊嘅衫，好多朋友見到都讚話好amazing。我啲好朋友仲伸手摸，話好靚好自然，好多人『胸襲』我，哈哈！以前游水要着神奇泳衣，先至叫做有條罅，好似陰影咁，依家終於有番條運河、隧道，哈哈！我終於明白點解男人咁鍾意睇女人個胸！」
老公送豐胸器
已是三名子女媽媽的關伊彤，說自小已是「長平公主」，就算生了三胎，上圍也只在懷孕期稍為漲大：「陀B時升到去32B，但一生完尤其餵完人奶，唔單止打回原形，仲有下垂。當時見到自己咁嘅身材，真係冇晒自信，真情唔想除衫、唔想照鏡，老公都有講笑：『不如你長期陀B啦！』佢都有送過豐胸儀器畀我，雖然係我話想要。」
關伊彤在今年40歲，終於達成兩個心願，一個是參加《中年好聲音2》：「我係『咪霸』，當年選港姐，都係因為鍾意唱歌，今次參加《中年2》雖然入唔到圍，但起碼係一個嘗試。至於豐胸，我一直都想做，終於嘗試到『有波』嘅滋味，哈哈！真係自信大咗好多，感覺好唔同。始終我覺得身材要睇整體，均勻就夠，冇諗過要再升多幾Cup！」
