更新時間：16:59 2023-09-13
發佈時間：16:59 2023-09-13
發佈時間：16:59 2023-09-13
法律系出身、有「學霸名模」之稱的徐綺雯（Candy），是長髮眼大瓜子臉的標準美女，拍攝無數廣告的她，其43吋逆天長腿更是令人深刻。日前到峇里旅遊充電的她，在ig上載多張旅行照，其中的水着照更是吸Like度爆燈，身為媽媽級的她，仍保持34C、24、34的葫蘆身材，更令女士們羨慕！
紅酒、珠寶、兒童心理學、韓文、日文、調解及急救等相關課程，徐綺雯在10年間攻讀了逾30個，對於如何keep fit，當然自有一套。徐綺雯接受訪問，說關鍵是要保持心境開朗，keep fit都要keep happy，不要視做運動或節食是苦差。她說：「減肥或收身，唔係只睇身材數字，亦都唔係盲目地唔食嘢狂做運動，而係要了解自己嘅體質，搵一個適合自己嘅方法，要諗點樣令自己更健康，身心健康，先至係最靚嘅女人。」
Keep fit不可懶！徐綺雯說每星期至少要做三次運動，每次為時45分鐘至1小時，被封為「德國第一健康女神」的Pamela Reif，所拍攝的健身短片及介紹的餐單，她一定會留意。她說：「我多數會喺屋企做，我最喜歡睇Pamela Reif 嘅片，所介紹嘅帶氧運動，主要是針對臀部、腰部同腿部。而我以前學過姿勢矯正，知道點樣拉筋，可以令到體型更靚，所以拉筋運動一定唔可以少。」
徐綺雯說晚餐主要是以烚菜為主外，認為「美容覺」更可「越瞓越靚」！她說：「下午瞓半小時或1個鐘，大腦、肌肉和皮膚會喺呢段時間進行自我修復，情緒可以紓緩，更有研究指，瞓覺時皮膚會生成新嘅膠原蛋白，係一種身體修補過程。膠原蛋白愈多，皮膚會更有彈性。」
至於如何瘦人不瘦胸，徐綺雯說：「做多啲擴胸運動，唔好寒背！練多啲條腰，腰線突出，自然視覺上胸部會較為豐滿。飲食方面，食多啲豆腐或豆漿，黃體酮可以增加女性荷爾蒙，令皮膚滑啲。」
最Hit
